ဒီအခန်းမှာ Motherboard ကိုထည့်ပြီးတပ်ဆင်ဖို့အတွက် Case ကိုပြင်ဆင်သွားမယ်၊ အောက်မှာတော့ အသုံးပြုမယ့် Case ပါ၊ သင်တို့ Case နဲ့ တူချင်မှတူမယ်၊ မတူလဲဘာမှမဖြစ်ဘူး၊
အထက်က Case ကတော့ ကွန်ပြူတာ တည်ဆောက်ရာမှာအသုံးပြုမယ့် Mid-case ပါ၊ ပန်ကာတော့ပါပီးသားပါ၊ PSU မပါသေးဘူး၊ အောက်မှာတော့ နောက်မျက်နှာစာက မြင်ရမယ့်ပုံပါ၊
အထက်က ပုံမှာပြထားတာကတော့ Case ရဲ့နောက်ပိုင်းပါ အဲ့ဒီ့အပိုင်းမှာဖြတ်စီးစရာနည်းနည်းရှိတယ်၊ အနီရောင်လေးထောင့်ဝိုင်းထားတဲ့အပိုင်းပါ၊ Motherboard ကိုဝယ်လာတဲ့ ပါကင်ဘူးကိုဖွင့်တုန်းက တွေ့ခဲ့ရတဲ့ ပထမအထပ်က သံပြားလေးနဲ့ တူတဲ့ အပိုင်းပါပဲ၊ အခု အထက်က အနီရောင်ပြထားတဲ့နေရာက Case မှာ ၀ယ်ကတည်းက ထည့်ပေးလိုက်တဲ့ သံပြားလေးပါ၊ သူက USB ပေါက်တို့ Micro Phone ပေါက်တို့အတွက်ပါ၊ ဒါပေမယ့် Case မှာပါတဲ့ (အထက်က အနီရောင်လေးထောင့်ဝိုင်းထားတဲ့) သံပြားလေးက သင်ဝယ်တဲ့ Motherboard နဲ့ တထပ်ထဲကိုက်ညီဖို့ မလွယ်ဘူး၊ ဒီတော့ Case မှာပါတဲ့ သံပြားကိုဖြတ်စီးဖြစ်မယ်၊ ရှေ့က နည်းနည်း နောက်က နည်းနည်း ထုပြီးဖြတ်ပစ်၊ ပွင်းထွက်သွားတဲ့အထိ၊ အောက်မှာပိုနားလည်သွားအောင်ကြည့်၊
အနီရောင်ပြထားတဲ့အပိုင်းကို ထုပြီး ပွင့်ထွက်သွ.ားအောင်လုပ်မယ်၊ ပြီးရင် အပြာ (ခရမ်း လားမသိဘူး) ရောင်မြားပြထားတဲ့ (Motherboard ၀ယ်တုံးက ပါလာတဲ့) သံပြားလေးကို အစားထိုးထည့်မယ်၊ တူနဲ့ တော့မထုနဲ့ ၀က်အူလက် ဖင်နဲ့ စောင့်ထုရင်ရပီ၊ တအားလဲ မပြင်းနဲ့ အခြား အစိတ်အပိုင်းတွေပါ ပိန်သွားမယ်၊ အပြင်ဘက်က ချည်းပဲ မထုနဲ့ အတွင်းဘက်က လဲ ထုထောင်းပေးလိုက် ဒါဆိုရင်ပြုတ်ထွက်သွားမယ်၊ အောက်က အတိုင်း၊
အထက်က အတိုင်း Case နဲ့ ပါလာတဲ့ သံပြားလေးကိုဖြတ်ပြီးသွားရင် Motherboard နဲ့ ပါလာတဲ့ သံပြားလေးကိုအစားထိုးမယ်၊ အစားထိုးတဲ့အခါ အပြင်ကနေ မထည့်ပါနဲ့ ၊ Case ရဲ့အတွင်းဘက်က နေထည့်ပါ၊ သူ့အံ လေးတွေရှိပါတယ်၊ သေချာချိန်ညှိရင် အံဝင် ဂွင်ကျ အဆင်ပြေ သွားမှာပါ၊ အရမ်းတော့ မလုပ်ပါနဲ့ ၊ စိတ်ရှည်ရှည်ထားပြီးဖြည်းဖြည်းပဲ တပ်ဆင်ပါ၊ အားလုံးအဆင်ပြောရင်အောက်ကအတိုင်း တွေ့ရမယ်၊
No comments:
Post a Comment